عوضٌ كالمعجزة | الكاتبة بسمه محمد

عوض كالمعجزة

عوضٌ كالمعجزة | الكاتبة بسمه محمد 

"عوض كالمعجزة"

من بعد الحادثة اللي حصلت، ومحدش نِجِي منها غيري، حياتي كلها اتغيرت، وكل الناس اختفت من حواليا، مكنش ليا إلا فرح بس، فرح هي الوحيدة اللي كانت باقيالي وباقية عليا، عمرها ما خذلتني، كانت واقفه جانبي مش بتسيبني لحظة، كل حاجه اتغيرت إلا فرح، بس مكنتش عارفه إن التغيير ده هيحصل بسببه كل ده.
-إيه يا لين سرحانة في إيه؟
--في الحادثة، منظر العربية والإزاز بتاعها بيتكسر علينا، وبتتقلب بينا مؤلم جدًا، مش قادرة أنسى المنظر ونوبة الخوف اللي اتعرضنالها لما عربية تانية لقيناها بتدخل في عربيتنا.
-الحمدلله إن ربنا نجاكِ منها.
--نِجيت منها وفقدت كل أهلي، وفقدت بصري، الحمدلله.
-لعله خير، ربنا يأجرك في مصيبتك ويخلف لكِ خيرًا منها.
--عارفة يا فرح اللي فاقد أي حاجه هو أكتر حد عارف أهميتها وقيمتها، عندك أنا مثلًا لما فقدت بصري عرفت أنا إزاي كنت في نعمة ومكنتش محافظة عليها حق الحفاظ، اه مكنتش بتفرج على أي حاجه مُحرَّمة، بس مكنتش محافظة عليها أوي برضو.
«فاقد الشيء هو أكثر الناس درايةً بقيمته، أكثر علمًا بمرارة فقده، والحرمان منه طيلة عمره، أكثر ألمًا كُلما ذُكر أمامه»
-مكنتيش محافظة عليها إزاي بس يا لين!
-ده أنتِ حتى مكنتيش بتتفرجي على التلفزيون.
--حاسة إن المفروض كان لازم أحافظ عليها أكتر، عارفة أنا لو رجعلي بصري عمري ما هضيعه في أي حاجه ملهاش لازمة، ولا قعاد طول الوقت على الموبايل.
-هيرجعلك إن شاء الله، خلي عندك يقين بالله.
-بدموع -عارفة إيه أكتر حاجه نفسي نظري يرجع عشان أشوفها!
--إيه؟
-آيات القرآن، نفسي أبص في المصحف أوي، واحشني إني أمسكه وأقعد أقرأ فيه، وأبص على الآيات والسور، وحشني أوي.
--لا إله إلا الله، اهدي طيب، هيرجعلك إن شاء الله يا لين، ربنا رب المعجزات، لا يعجزه شيء، هو قادر إنه يردهولك تاني، ربنا عالم بصدق نيتك ومش هيخذلك، ربنا اسمه الرءوف، اصبري، واحتسبي عند الله، كل الكلام اللي بتقوليه للناس، واللي بتدعيهم بيه لطريق ربنا صبّري بيه نفسك، ينفع تبقي بتنصحي الناس وبتساعديهم وأنتِ سايبة نفسك كده!
عيطت -أنا راضيه، والله العظيم راضيه، أنا بس عيطت من كتر ما أنا مشتاقة لإني أبص في المصحف، مكنش بيفارقني، كان معايا في كل مكان، في المواصلات، والشارع، والبيت رايحه جايه ماسكاه بقرأ فيه، أنا واثقه إن ربنا هيجبرني وهرجعله تاني.
«ما كان بُكائنا يا اللّٰه جزعًا من قضائك، حاشا لك، لكن قد يفقد المرء زمام أموره، قد يعجز عن قدرته على الفرار من ألمه، قد يجد نفسه وحيدًا وجموع الخلق من حوله كثيرة!
لكن برغم كل هذا رجاؤنا فيك لا ينقطع أبدًا، ويقيننا بك بذكرك لا يزال موجودًا؛ فاصرفنا اللهم عن كل ما يُضني القلب.»
«حُسن الظن بالله دائمًا ما يتبعه نَيل ما رجوناه، وطلبناه من الله كثيرًا»
-...
-وقفت وابتديت أتحرك..
--رايحة فين يا لين؟