مرحلة عجيبة مملة..
مليانة حروب وشَتات.
ضحكات تلقائي تِعلَى..
ودموع كتير وآهات.
نفسي أكمل وأعيش..
وللأسف أواني فات.
شيء عاوز يحييني..
وكتير جوايا مات.
لا أنا عارف أتساعِد..
ولا فـ يَدِّي معونات.
أيام كتير وعايشينها..
بالعلاج والمسكنات.
مين الجاني فينا؟؟
أنا ولا هي.. المَطَبَّات؟
هتفشل يا عاطل..
فوق يا أبو العاهات!
دكتور، مهندس، صحفي؟!
هَـأأ.. محصَّلتِش تسعينات!
وارجع وأقول لنفسي..
طبيعي نشوف المَطَبَّات.
ده الحال مبتدومش..
هتدوم النجاحات؟!
فوق من وهمك فوق..
لَملِم يلَّا الشتات.
عرفوك قوي وجريء..
إوعاك تظهِر فُتات.
شَمَّر كمامك واسعىٰ...
دنيتنا دار اختبارات.
ربك له حكمة دايمًا....
اتعب وآخرك هاات.
النور تَملِّي هيظهَر..
وهَتِعلَى تاني الضحكات.
---------------------------
تعليقات