فضفضه | الكاتبة هند حمدي

 

تذكري

فضفضه | الكاتبة هند حمدي 

فاكره يوم ما كنا بنتكلم وقولتلك حاسس انها اخر مكالمه بينا ساعتها قولتى ليه بتقول كده ردى عليكى كان النهارده اول مره اسمع صوت فى حنان عليا عمرى ما سمعته قبل كده وطلع احساسى صح تعرفى ياريت كنت سجلت المكالمه علشان لما صوتك يوحشنى اسمعه .كل مره نتخانق وتبعد ونرجع بس المره ده البعد كان اجبارى مفروض علينا مش باختيارنا فى يوم لاقيتك بره حياتى بعد ما كنت ابدا اليوم بيكى وانام وانا بكلمك سيبتى فراغ كبير فى حياتى مين احكيلو يومى ومين هقولوا مشاكلى ونفكر سوء مش مصدق انى دلوقتى معرفش عنك حاجه بعد ما كنت بعرف كل تفاصيلك واخبارك احب احكيلك يومى هو هو مفيش جديد دراسه وشغل وقعده صحابى الا بروحها كل فين وفين وبعدها بروح على النوم هو الروتين متغيرش الا اتغير انك مبقتيش فى يومى اتمنى تكونى بخير تعرفى  السنه زى كل سنه عدت عليا قضيت راس السنه لوحدى اتمنيت تبقى معايا عدى عيد ميلادك كان نفسى اعملك عيد ميلاد كبير اعزم فيه كل اصحابك واجيبلك الهدايا الا اتمنتيها عدى عيد ميلادى اتمنيت رساله منك حتى لو رنه وتقفلى بس ملقتيش حاجه منك فاضل حبه قليل على ذكرى الثانويه لارتباطنا هنتم سنتين وبعدها بشهر هيبقى عددت سنه واحنا مش مع بعض حقيقى كل تفاصيلك وحشانى على فكره كل حاجه بتاعتى لسه زى ما هى رقمى هو هو متغيرش هفضل منتظر مكالمتك كل يوم فى نفس المعاد الا كنا بنتكلم فيه ..