بيقولوا عني هادية
دايما راسية وقاعدة كده في حالي
بيقولوا عني عاقلة
وعقلي اكبر من عمري الحالي
بيقولوا بسمع وبكتم جوايا
عشان مجبش لنفسي وجع راس
يمكن البعض بيوصف أفعالي
انها تكبر وغرور وخلاص
انا حرفيا تعبت من الدنيا ديه
بقعد هادية عشان الحوارات اغلبها بتأذي النفسية
بحاول ابين اني عاقلة
بس أنا جوايا روح طفلة
لكن اتلسعت من صغري
وعرفت يعني ايه جملة ( الحياة مرة)
اما عن بسمع وأكتم جوايا
ف ده عشان الدنيا مفهاش أمان
اللي كنت بحكيله
صح هو صاحبي ووقت ما نزعل بيقول للسر سلام
جملة اخيرة هختم بيها
ارحموا من في الارض يرحمكم ذو الجلال والإكرام
تعليقات