بعدت.
بعدت عـن كُل اللي مني.
اللي كان حُبهم بيجري جوا دمي.
كانوا أغلي الناس علي قلبي.
كانوا رفاق دربي.
بقيت قاسي وجارح ومبقاش همي أي حد.
لإني ببساطة ملقتش اللي يحبني بجد.
أصحابي في عز الوقت اللي كنت محتاجهم فيه خدعوني.
وأنا كان هاين عليا أديهم عيوني.
كنا صحبه حلوة بس الأيام فرقتنا
كان القلب شايل حقد وغل ومع مرور الأيام ضاعت محبتنا.
ضاعت محبتنا لبعض وإفترقنا.
حسدوني علي بسمتي.
مكنوش يعرفوا إني بنسي همي وحزني بضحكتي.
كنت بنجرح وبضحك أتالم وأضحك وإتعلمت قساوة القلب.
كإن قلبي مات وإندفن في حرب
حرب الذات اللي بتخليك تبين عكس اللي جواك تبقي مهموم وبتضحك مع إن قبلها عينيك كانت مليانه بالدموع.
عاوز أصرخ وأقول أنا مجروح أنا خلاص مش قادر مخنوق.
كان قلبي بيسكتني ويقولي فوق يا حزين محدش هيهتم بيك يا مهموم.
إنكسرت بدل المرة ألف وإتعلمت الدرس خلاص.
إتعلمت إن مفيش حد هيحبني بإخلاص.
كان نفسي في صاحب يقولي أنتَ أنا متزعلش متبكيش أنا بتكسر لما تحزن
كنت بتمني حد يحبني زي مانا
تعبت وتعب قلبي وتعبت عيوني من البكا وبقيت وحدي وسط همومي
وتتعاد نفس الأيام
وقلبي لسه مجروح
بقيت ماشي جسد بلا روح
بقيت طول الوقت وحيد ومهموم
كإن الهموم مرصوصه علي كتفي بالكوم
ومرت الأيام والسنين وأنا برضو لوحدي حزين
والعمر بيعدي والسنين بتجري وبقيت بمشي وحيد في دربي
والنهاية كانت إني بعدت
تعليقات