وحشتيني وحشتيني بكل ما فيكي
سبتيني للأسىّ والحزن والألم
تركتيني للوجع والبُكا والسِقم
فاكر كل تفصيله فيكي
فاكر كل كلمه قولتيها ليا
فاكر ضحكت عنيكي وفرحة قلبك
فاكر هدوئك وروحك الحلوة
كنت بيكي كل حاجه
كنت قوي
كنت بفرح يوم ما أشوفك
كنت طفل بيضحك بين إيديكي
كنت شايفك كل حاجه
وكنت بيكي حاجات كتير
وقت حزني كنتي فرحي
وقت همي كنتي جنبي
وقت دائي كنتي دوائي
وقت خوفي كنتي ليا بحر كبير من الأمان
وقت قلقي كنتي تطمنيني وتحضنيني
وتواسيني وقت هبوط دموعي
كنت شايفك بستان من السعادة
مفيش يوم أشوفك حزينة
ولا يوم أشوف دموع عنيكي
كنتي فعلا ملاك في صورة بشر
كنتي حورية ماشية على الأرض
كنتي ضحكة مرسومة علي جُدران قلبي
كنتي دعوة دعيت ربي بيها
كنت حلم أحِب يكون معايا
كنت أمنيه
أتمنى أشوفها كل لحظة وكل ثانية
كنتي سجدة في كل صلىّ
كنتي دمعه وقت القيام
كنتي بدعي ربنا ليكي وبيكي
كنت أفرح بكلمة منك
لأن كلامك يدواي كل الجروح
كنت بشتقلك في الثانية ألف مرة
كنتي دنيا جميلة ليا
كنتي شمسي ونور عنيا
كنتي ملكة في حد ذاتك
كنتي أميرة على عرش حبي
اه صحيح رحلتي لحياه تانية
بس أنتي معايا
معايا في كل وقت وكل ثانية
بشوفك
بشوفك كتير جدا كمان
بشوفك في ضحكة طفلة بريئة
بشوفك وقت شروق شمس يوم جديد
بشوفك على جدران بيتنا القديم
بشوفك على وجوه كل الوجوه
بشوفك في ظلي وخيالي
بشوفك في قلبي وأمالي
بشوفك وقت ضحكة ليا وبفتكرك
وبفتكر لمسه إيديكي ليا
بفتكر شروق شمسك عليا
بفتكرك كل لحظة وكل ثانية
قفلت قلبي بيكي وبعدك ماليش
لأن زيك مفيش
مستحيل أنساكي ولو بعد حين
انا ممكن أنساني
لكن أنساكي ده شيء مستحيل
إشتياقي ليكي فاق كل الحدود
أنتي ديما معايا وجوايا
أنا بيكي عايش حتى لو مكنتيش قدام عنيا.
وحشتيني يا سمرا وحشتيني.
.
تعليقات