كُنا صحاب
نحكي يومنا بالسعات
كات معاني الفرحة فينا
والأمان والحضن لينا
كنا غيرهم
الحياه كانت رواية
وإحنا كُنا أبطالها
كل يوم بتزيد علاقتي
قولت يمكن هيبقى جنبي
وفسكات قالي بحبك
قولت همشي
قالي هفضل بردو جنبك
قولت أجرب
منا بردو سعات بحن
والنصيب جايز يكون
الحب لينا والنهايه بالجواز
كنت طفلة بردو هبلة
مش فاهمة معنى الفراق
وإن قلبي هيقسى بيا
لو في يوم صابة الأذيه
الليالي بقت تزيد
والسكات بقى أكيد
واللي كنت في يومي بصحى
وبرساله يوماتي منه
بقى الخناق ويّاه أكيد
كنتِ فين .. وويّا مين
ليه نزلتي .. والرساله دي لمين
قولت تايهة
قال نسيب
قولت له بصوت ضعيف
أنا خايفه
أنا كارهة القسوه فيك
كنت بس محتاجه منه
إن إيده تكونلى حضن
بس كان رده غريب
قال نفارق
انا اصلاً كنت عارف
إن حُبِك ماراح يصيب
قولتلو وبضحكه مني
ده الفراق بقى بسيط
طب نسيب
والحب لينا لو نصيب
هنتجمع في يوم اكيد
تعليقات