حب طفولتي | الكاتبة فاطمة علي

حب طفولتي

حب طفولتي | الكاتبة فاطمة علي

 "حب طفولتى"

ااااه يا ايديا ااااه ربنا ياخد الميس دى اهئ اهئ اهئ
- حرام متدعيش على حد بابا قالى كدا ان مينفعش ندعى على حد فى ملك من ملايكة ربنا بيقول ولكى بالمثل 
= انت الى لسه جاى النهارده وسمعت القرأن صح فى حصة القرأن
- ايوا انا كفايه عياط بقى وخدى المنديل دا 
= شكرا يا.....
- محمد اسمى محمد يا ريم
= عرفت منين اسمى 
- هههههه سمعت الميس وهى بتنده عليكى...انتى ليه مش بتحفظى القرأن؟
= بحفظه بس مش بعرف بالتجويد والميس عايزة بالتجويد....انت كنت بتسمع حلو اوى مين علمك او حفظك
- بابا هو الى بيحفظنى هو امام جامع وانا كنت حافظ السور دى من بدرى 
= يابختك انا نفسى احفظ وابقى شاطرة..تعرف انى شاطرة فى كل المواد انا الاولى على الفصل وكمان الامينه
- انا ممكن احفظك ايه رايك 
= بصتله بفرحه شديدة بجد انت ممكن تحفظنى وابقى شاطرة زيك 
- وهنبدا من النهاردة اتفقنا 
= اتفقنا هنحفظ ايه النهارده
- هنحفظ سورة الرحمن ماشى انا هقول وانتى تقولى ورايا..ماشى بِسْمِ اللَّهِ الرَّحْمَنِ الرَّحِيمِ
الرَّحْمَنُ (1) عَلَّمَ الْقُرْآنَ (2) خَلَقَ الْإِنْسَانَ (3) عَلَّمَهُ الْبَيَانَ (4) الشَّمْسُ وَالْقَمَرُ بِحُسْبَانٍ (5) وَالنَّجْمُ وَالشَّجَرُ يَسْجُدَانِ (6) وَالسَّمَاءَ رَفَعَهَا وَوَضَعَ الْمِيزَانَ (7) أَلَّا تَطْغَوْا فِي الْمِيزَانِ (8) وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ (9) وَالْأَرْضَ وَضَعَهَا لِلْأَنَامِ (10).
- تمام كدا احفظيهم وبكره هتسمعيهم ليا قبل ما تسمعى للميس... اتفقنا
= اتفقنا شكرا اووى يا محمد
- العفو ياستى بس لو محفظتيش ملكيش جايزة انا لما بحفظ دايما بابا بيجبلى جايزة 
= ابتسمت بفرح جايزة اكيد هحفظ متخافش 
- ماشى سلام واشوفك بكره 
=سلام
انا ومحمد اصدقاء وزمايل فى سنه خمسه ابتدائى هو لسه متحول من مدرسه تانيه هو طيب اوى وقالى انه هيحفظنى القرأن علشان ابقى شاطرة وانا مبسوطه اوى 
- صباح الخير يا ريم حفظتى 
= صباح النور اه حفظت اسمعلك 
- اه يلا = بِسْمِ اللَّهِ الرَّحْمَنِ الرَّحِيمِ
الرَّحْمَنُ (1) عَلَّمَ الْقُرْآنَ (2) خَلَقَ الْإِنْسَانَ (3) عَلَّمَهُ الْبَيَانَ (4) الشَّمْسُ وَالْقَمَرُ بِحُسْبَانٍ (5) وَالنَّجْمُ وَالشَّجَرُ يَسْجُدَانِ (6) وَالسَّمَاءَ رَفَعَهَا وَوَضَعَ الْمِيزَانَ (7)............) 
- برافو عليكى يا ريم خدى بقى الشوكولاته دى علشان سمعتى صح 
= الله شكرا جدا يا محمد بس جبتها منين 
- من مصروفى كل ما هتحفظى صح هجبلك شوكولاته
= يبقى لازم تاكلها معايا اتفقنا 
- اتفقنا يا ريمتى
بقينا كل يوم انا ومحمد نقعد مع بعض يحفظنى واجى تانى يوم اسمعله ويجبلى شوكلاته وناكلها سوا بقينا نقعد نذاكر مع بعض وايام الامتحانات نتنافس بس دايما كنا شاطرين احنا الاتنين وقت الالعاب هو كان بيحب الكورة وكانوا دايما يلعبوا مطش واحنا نقعد نشجع خلصنا سنه خامسه وطلعنا سنه سادسه وانهارده اخر يوم امتحانات مع الاسف اخر يوم هشوف فيه محمد اد ايه انا زعلانه ومدايقه 
- ريم عملتى ايه فى الامتحان
= كان سهل اوى وهجيب الدرجه النهائيه...وانت عملت ايه
- كان سهل وهجيب الدرجه النهائيه 
= قلود اوى 
- عارفه ان النهاردة اخر يوم هشوفك 
= بصتله بحزن عارفه 
- انا جبتلك هديه علشان تفتكرينى 
= هدية ايه 
كانت وردة بنفسجى جميله اوى لانه عارف انى بحب البنفسجى ومعاها مصحف صغير شكله حلو اوى اوى 
- اتفضلى يارب تعجبك 
= جميله اوى اوى يا محمد شكرا جدا.... انا كمان جبتلك مادليا علشان لما تكبر تحطها فى المفاتيح بتاعتك
- بجد هى فين 
= اهى اتفضل وعليها حرفى علشان تفضل فاكرنى 
- انا عمرى ما هنساكى دا وعد 
= وانا عمرى ما هنساك 
- مع السلامه يا ريمتى
= مع السلامه ياحمودى 
فوقت من شرودى وانا بفتكر كل الذكريات الجميلة دى مش هعيش اجمل من الذكريات دى فى عمرى كله تانى حقيقى اجمل ايام عمرى هى ايام طفولتى لحد النهاردة فاكرة كل تفصيله كانت بتحصل ضحكنا وهزارنا صوته وهو بيقرأ قرأن شكله وهو بيزعقلى لما اسمع غلط ويجيب عصايه ويضربنى على ايدى براحه ههه ويقولى مش ارحم من ميس انشراح فات عشر سنين على اخر مرة شوفت فيها احمد ومع ذلك عمرى ما نسيته لحد النهاردة محتفظة بالوردة مع انها دبلت واتقطعت واسودت بس بردوا محتفظه بيها ولحد دلوقتي بقرا وبحفظ فى مصحفه علشان ياخد معايا ثواب كل حرف بقرأه يترى ممكن يكون فاكرنى يترى حقق حلمه الى دايما كان بيقولى عليه " انا لما اكبر يا ريم هطلع امام جامع ومحفظ قرأن زى بابا وكمان هبقى مهندس" ًبدعيله دايما فى صلاتى وبدعى دايما ان ربنا يجمعنى بيه تانى...نفسى اشوفه واشوف شكله بقى عامل ازاى انا بحس انى متغيرتش كتير عن زمان بس مش عارفه لو شافنى هيعرفنى ولا لا يارب وفقه وارزقه كل الى بيتمناه يارب.