"وحيد"
كل الوشوش ظهرت
كل الناس بتتغير وبتبان بالوقت والأيام
مين وقف جنبك وقت ما كنت مكسور
مين جالك وقت احتياجك
مين سأل عليك ودق علي بابك في وقت غيابك
أول من قالك أنا جنبك وأبقالك هو أول من هجرك وسابك متصدقش..
متصدقش الكلام
لو عالكلام هنألف ونقول في حكايات
لكن بالأفعال اللي فيها نفعل بحق وحقيقي ومنتحججش بحجات
فين إللي كنت بتداوي جروحه وقت ماكنت انت مجروح
فين إللي زرعتله أرضه وقت ما كانت أرضك بور
وقت الفرح بتلاقيهم جنبك جيش ولكن وقت الحزن والإحتياج فص ملح وداب
تدور علي حد منهم متلاقيش متزعلش أصلهم مزيفين
مش بتوع شِدَّه لا بتوع هَدَّه
مش دول إللي تزعل عليهم أو حتى منهم
مش دول إللي يداووك وقت تعبك وهمومك
مش دول إللي تتسند عليهم وقت وقوعك
خليك عكاز نفسك ومهما تقع عافر وقوم
صدقني دة الأحسن ليك هجرهم
ربك شايلك الأحسن منهم كلهم..
تعليقات