قصيدة بلا مكسب | الشاعرة نورهان شعبان

بلا مكسب 

قصيدة بلا مكسب | الشاعرة نورهان شعبان

بلا مگسب

..

هحگى وبردو مش هگسب..
مافيش من وحدتى مگسب..
ماهيش طوبه هتبنى البيت..
أناا عايش لگنى وحيد..
ومتعگز على ذاتى..
خسرت اللمه وأخواتى..
وفرحتناا بلبس العيد..
حقيقى وحيد..
وحيد زى اللى مات أهله..
فَـ راح لقريبه من جهله..
يخش ف حضنه يتدفى..
فَـ شاف زفه وعين جافه..
وفرحه بيتمه وعياطه..
مالوش ولا حد ف الدنياا..
ولا إتبقاله غير ذاته..
يطوف ويشوف بشر تاانيه..
ومش على باله غير ماتوا..
وحيد زى اللى سااب أرضه..
ورايح أرض مش أرضه يدور ع الونس فيهاا..
بيشگى الذله والگسره لأصغر بيت ف ضواحيهاا..
وحيد جداً عفيف غرضه لگن خايف يموت بيهاا..
دا من طيبته وطيب أصله..
وطيبة صحبته ونسله..
بيزرع زرع مش زرعه..
إطاعه لدينه ولشرعه..
ومش خايف لروحه تبور..
حقيقى الساقيه لو هتدور..
فگل الخير ياا رب يجيه..
وحيد زى اللى قطعوا إيديه..
لا داق الحضن ولا راحته..
حتى الدفاا شحته..
وعيط لاجل ماا يضموه..
وحيد أمه وحيلة أبوه..
مالوش أخوات يحنوا عليه..
ولا طيب يدومله شاريه..
ويسعد ف الحيااه روحه..
يتيم بيعد ف جروحه..
وبيحاول يقوم وحده..
يحس ف وحدته راحته..
فيلجأ ليهاا ويسلم..
حقيقى الوحده بتعلم..
وبتنور خباياا الغير..
وحيد زى اللى قسمه الليل..
وطرحه على الطريق ينزف..
يقول الأه ومين ينصف..
ويجمع گل أوصاله..
خزين الحزن لو طاله..
هيهرب م البشر لگن..
هيلقى الحزن فيه ساگن..
بيحضن ف الوجع يقوى..
ياريت الفرح گان مأوى..
وبيت بيطل ع الگورنيش..
وحيد زى اللى مات ف الجيش..
وگاان وسط العدو وحده..
شهيد بالفعل صاان عهده..
ماخانش گرامة الأوطان..
ولا أستسلم لضعفه وخان..
وسلم أرضه وأستغنى..
وفضل راحته والمغنى..
وشرب القهوه والنگوتين..
وحيد جداً ليوم الدين..
مالوش ف الدنياا غير نفسه..
ماحبش مره من نفسه..
ولا أتجوز وگون بيت..
يميل دايماًا لأقرب حيط..
ويسند راسه ويعيط..
جرحه إزاى هيتخيط..
ويرجع قلبه عال العال..
مش گل الحلول بالمال..
ولا گل الجراح بتخف..
وحيد ودموعه مش بتجف..
بتظهر ضحگته صدفه..
يقول بگذب تقول عارفه..
فيضحگ والبگاا غالب..
نتيجة الفرح ليه سالب..
وليه أناا وحدى بتألم..
يمين بالله ماا أناا مسلم..
ياا لمه گبيره گدابه..
وحبة صحبه نصابه..
وبنت بتتدعى حبى..
بقيت بگرهگوا من غلبى..
وبگره طيبتى وياگم..
أناا بالفعل هنساگم..
وهبدأ من جديد وحدى..
..