قصيدة حيث الحياة | الشاعر حسين محمد

حيث الحياة

قصيدة حيث الحياة | الشاعر حسين محمد 

" حيث الحياة "

وجوده عادي 
شخص محذوف 
الكل خايف يقرب منه
الناس بتبعد عنه بخوف
يطلع بالليل يشوف نفسه ف الضلمة 
ويرجع اول النهار ينام من تاني
هو عادي والله مش اناني
هو بس حبيبته سابته علشان حد تاني
موجود دايما قصاد باب بيته
بس هو عارف ان مفيش حد معاه
حتي اصحابه سابوه اللي كانوا وياه
وإذ فجأةً من يوم وليلة 
حياته تتغير لحياة جميلة
يشوف اسماء اللي ساكنه قصاده
كأنها شخص راجع من بعاده
شافها وهي بترقص ف الخلا
ضحكتله مرة ضحكلها 
هو كان من زمان 
بيتمني يعيش وحده
وحده بلا اهل ولا اصحاب
و ده من زمان واللي كان كان
دلوقتي الدنيا ضحكتله 
وفتحت ف وشه الباب
و جه ف يوم اعترفلها بحبه 
وهي كمان قالت بحبك 
وقالت هتفضل طول العمر جنبه
كانوا كل يوم يخرجوا ..
يجروا ف شوارع الخلا
ويفضلوا يغنوا ع الملأ
وفيه مرة عزمها ع ماتش ف الاستاد
وفضلوا يغنوا الاهلي هو الحياه
وبعدها راحوا اتمشوا ع النيل
و راحوا كافيه و فيه ريحة ام كلثوم 
حيث تقول " وقابلتك انت لاقيتك 
بتغير كل حياتي معرفش ازاي حبيتك " 
و فجاة يشوف حبيبته الاولي 
وهي ماشية لوحدها 
بعد ما حبيبها سابها لدنيتها
راح بكي ورجع لأيام زمان ف ساعتها
و في وسط بكائه ، حبيبته تشوفه زعلان
ما هي رجعت بقا ورجعته لايام زمان
حلف وقالها انا والله ما هسيبك
ده انا ما صدقت جنبي لقيتك
الصدف ممكن تجمعنا بناس قصادنا
بس مش بنشوفهم بقلوبنا
بس ياريت نشوفهم اكتر
حيث الحياة وكل الحب 
وناس معاه وناس بتحب