الجزء الاول
_ازاي يا أدهم اللي بتقوله ، يعني اي احمد مات
=زي ما بقولك يا امل أحمد اتوفي في حادثة ولازم نروح المستشفي علشان الإجراءات
أمل الدنيا وفقت بيها بس رجع الذاكرة لثلاث سنين وقت ما اتجوزوا
_احمد:أنا مش مصدق عيني البنت اللي حبيتها بقت مراتي حلالي اخيرا الحمد لله يارب
=أمل بخجل : الحمد لله يا حبيبي ربنا جمعنا ببعض علي خير بعد تعب ومشاكل كتير بس ربنا عالم أن حبنا صادق
_أحمد : الحمد لله يا حبيبتي انا مش هسيبك أبدا
أمل أمل أمل اي يا بنتي خيالك راح فين
_أمل : أحمد سبني ونسي وعده هو قالي مش هسيبك أبدا ليه يروح مني كده عملت اي يارب علشان يبعد عني
=أدهم :ده قضاء ربنا يا أمل ومش هنقدر نعمل حاجة تعالي يلا علشان توديعه
_ أمل دخلت المشرحه والدموع في عينها ومش مصدقة يا احمد انك هتمشي وتسيبني كان نفسي يبقي منك طفل يبقي ذكري منك
اندفن احمد وخلص اول يوم عزا
أمل دخلت الاوضة وبدأت الذكريات لما فتحت ألبوم الصور وشافت أول صورة بين ادهم وأحمد لأنهم اصلا أصحاب من الجامعه وإن أحمد كان بيجي علشان يذاكر مع ادهم وإنه أعجب بأمل لما شافها كذا مرة ، بتشوف الصورة التانية كانت صور اول زيارة لأحمد وهو عريس وبيتقدم لأمل وبعدها صور الخطوبة وبعدها صور الفرح في اخر الالبوم صورة ل احمد ، امل شافتها وهي بتقول ليه يا احمد ده انا اعترفت ليكي بسر مش بقوله لحد أبدا ليه تكون أول مرة يجرحني ليه
يقطع الكلام خبط الباب وأمل تروح تشوف مين اي ده ماما ازيك يا حبيبتي عامله اي
أنا كويسة يا حبيبتي انتي اللي عامله اي
أنا بخير يا ماما متقلقيش
الله يرحمه أنا لحد دلوقتي مش مصدقة احمد يروح مننا
!! ليه يا ماما هو الخاين حد بيزعل عليه
الجزء الثاني
ذكريات مخفية
ليه يا ماما هو الخاين حد بيزعل عليه
هدوء ونظرات كلها خبث والبنت وامها بيضحكوا ضحك كله شر وقد اي هو شاطرين في التمثيل
الام: حاسة بايه بعد اللي حصل
أمل: انتصار يا ماما فوز كبير ليا بقا أنا بعد ما اديته قلبي وحكيتله كل أسراري يتجوز صحبتي ويفضحني عندها قد اي أنا بكرهه وبكره اليوم اللي شوفته فيه الخاين الغشاش كل ما يحتاج مني حاجة بيعملها وانا مبسوطة يبقي ده جزاء الجدعنه مني ومش بس كده يا ماما كان بيحط لي دواء علشان مخلفش منه وانا كل يوم عند دكتور علشان افرحه وطلع هو السبب
الام : اهداي يا بنتي اهو اخدت جزاءه ومش يجوز عليه غير الرحمه يا بنتي بس قوليلي هتعملي اي مع أمه واخته
أمل : بعتلهم نصيبهم أنا اه قتلت ابنه بس مش باخد حق حد برضو
ضحكوا الاثنين ودخلت امل غيرت هدومها ونزلت هي ومامتها يتفسحوا ويغيروا جو ما هي شخصية قادرة
أدهم وصاحبه خالد قاعدين في الكافية وبدا الكلام بينهم
كالاتي
خالد : مالك يا أدهم حزين كده ليه
أدهم: انت متعرفش أن أحمد مات
خالد بصدمة : اي ده انت بتتكلم بجد يا أدهم
أدهم : مفيش هزار في الحاجات دي مات يا خالد
خالد : الله يرحمه يا ادهم هو مات ازاي
أدهم : حادثة عربية بس تصدق في حاجة مش فاهمها
خالد : خير يا صاحبي
أدهم: الدكتور قالي ميت من جلطة قلبية وده اللي سبب الحادثة
خالد : بصراحة مستغرب بس قولي اختك أمل عامله اي بعد الخبر ده
أدهم : مقطعة نفسها عياط ربنا يصبرها ويتولاها
خالد : صحيح هو أحمد الله يرحمه كان يعرف أن أمل دخلت مصحة لعلاج الادمان
أدهم: مش عارف انا ماشي ورايا شغل كتير يلا سلام
خالد : سلام
نرجع ل أمل ومامتها وهم خارجين من المحل وبيشتروا لبس ورايحين البيت
اول ما وصلوا وارتاحوا
الام : قوليلي اي اللي عرفك أنه خاين وأنه اتجوز صاحبتك
أمل : بدأت بحاجات بسيطة تفاصيل بسيطة كانت عارفها وانا عمري ما حكيتلها عن التفاصيل دي والتفاصيل البسيطة كبرت وكبر حزني وغضبي معهم
في مرة كانت عندي صحبتي واخدتنا الكلام وجه وقت العشا وكنت حاطة في الاكل زيت زيتون وهو مش بيحب طعمه تتطلع منها تلقائيا انتي مش عارفة يا أمل أن أحمد مش بيحبه استغربت وحاجات كتير طلعت عارفها وانا محكتش عنها ابدا بدات أراقب كل خطوة ليهم وبدأت أفكر ازاي اخدت حقي ولقيت اني لازم ابدا انفذ
الجزء الثالث
ذكريات مخفية
الام : قبل ما تحكي عن التنفيذ قوليلي الاول اي الدافع القوي انك تكوني عايزة تنتقمي
أمل : المعايرة يا ماما أنا اتغيرت وبعدت عن المخدرات علشانه بقا يبدور علي اي حاجة علشان يفتح الموضوع ده بدأ جوايا يولد نار هتولع فيه وفيها وقولت لنفسي ومش ده اللي انت بتعايرني بيه أنا هخليك تجرب منه
الام : ياربي أنا مش مصدقة كل ده يطلع منك قوليلي بقا بدأت تنفيذ ازاي
أمل: صحيح أنا بطلت مخدرات بس عارفة ناس كتير تجيبلي المخدرات لحد عندي بدأت احط المخدرات في الاكل القهوة اي حاجة يشربها لحد ما بقا أعصابه بايظ مش عارف يشتغل من الاخر دمرت حياته وفي يوم اتخانقت معه خناقة بسبب الشك وأنه بيخوني وهو يقولي أنا عمري ما خونتك اتعصب ونزل من البيت وكنت طبعا حطيت المخدر في القهوة ونزل وجاله جلطه قلبية وطبعا مفيش سيطرة علي عربيته عمل حادثة كبيره ومات وكده خلصت من الخاين ده
الأم: حقيقي الشيطان منك يا امل بس برضو مبهور بيكي يلا الله يرحمه
في قسم ما حوار بين اتنين ضباط ماسكين قضية قتل احمد
فارس باشا واحشني يا راجل ، حازم بيه وانت كمان والله اخيرا بقينا في قضية واحده
حازم : شفت يعم اهو اتجمعنا بس يلا نبدا شغل
فارس : عندك حق قضيتنا تخص محاسب أسمه احمد مات بحادث سيارة
حازم : بس ازاي ده مكتوب في تقرير الطبيب الشرعي أنه ميت بجلطه قلبية
فارس :في حاجة غلط اكيد ولازم نفهمها بس الاول نحقق مع المدام ونشوف الفحص الشامل للجثة هيقول اي
حازم : كويس جدا
فارس : احنا هنقسم نفسنا أنا هروح احقق مع المدام وانت تروح تشوف نتيجة فحص الجثة
في بيت امل
رن الجرس وفتحت امل
أمل : مين حضرتك
فارس : مع حضرتك المقدم فارس المسئول عن قضية قتل جوز حضرتك ممكن ادخل
أمل : اتفضل تشرب اي
فارس : قهوة سادة
امل : معلش يا ماما اعملي قهوة لحضرة الضابط
الام : ماشي يا بنتي
فارس:معلش يا مدام في السؤال هو المرحوم مش غالي عليكي علشان تغيري الاسود علي طول ده لسه ميت من يومين
امل : دي وصية احمد أن محدش يلبس عليه اسود ولا حتي يعيط
فارس : غريبة !
أمل : اي اللي غريب
فارس : حتي يا مدام لو دي وصية جوزك الحب اللي بينكم يخليكي تلبسي الاسود فترة كويسة على الأقل بس مش مشكلتي علي العموم أنا جاية اسال حضرتك كام سؤال وهمشي علي طول
أمل : اتفضل
فارس : هل استاذ أحمد كان له اعداء
أمل : لا أحمد كان صاحب جدع جدا وزوج صالح اتخطف من حياتي وراح ( بصوت عياط ودموع تماسيح )
فارس : طيب يا مدام هل كان في مشاكل بين حضرتك وبين استاذ احمد
أمل : لا خالص بالعكس ده كان زوج صالح زي ما قولت لحضرتك
فارس :طيب يا مدام شكرا ليكي عن اذنك
أمل : اتفضل
في مكان تاني وحازم بيتكلم مع الدكتور وبيساله
حازم : ها يا دكتور قولي الفحص بيقول اي
الدكتور: يا حضرة الضابط المريض كان بياخد مخدرات
حازم : انت متاكد يا دكتور
الدكتور: طبعا يا فندم
اتقابلوا حازم وفارس في القسم وبدأ الكلام
حازم : ها اي الاخبار
فارس : مش مرتاح خالص للي اسمها امل دي مش صريحة ابدا واكيد وراها حاجة
حازم : طب اسمع طلع اي في التقرير
فارس : طلع اي
حازم: أن أحمد كان بياخد مخدرات
فارس : فعلا في لغز لأن الناس بتقول أنه سمعته كويسة وعمره ما شرب سجاير بص يا حازم احنا لازم نجمع معلومات اكتر عن أمل وأحمد في لغز ولازم يتحل
تعليقات