أنا بحبك
_ أنتَ أذتني، مش مرة ولا أتنين ولا تلاتة، كتير والله كتير وأنا صابرة وساكتة وأقول بكرة يبقي كويس، بكرة يبقي بني آدم يُعتمد عليه وينصلح حاله، إنما لأ، كُل يوم بتخيب أكتر وأكتر، أحوالك بتتبدل وأنا مبقاش عندي حيل، طاقة للكلام مفيش خلاص أنتَ أستنفذت كل طاقتي ومشاعري خلاص.
_ مكنش قصدي، أنا بحبك، أنا ندمان وبتأسفلك! سامحيني.
_ علي إيه؟ ثقتي الي ضاعت؟ ولا أحلامي وطموحي الي أتنازلت عنه علشانك؟ أنا عُمري ما هنسي قسوتك لما كنت بغلط ولو غَلطة صُغيرة، فاكرة كلامك كله ولا عمري في يوم أنساه! أسامحك علي طاقتي ومشاعري وحبي الي خلصوا وأنتَ كنت واخدني لعبة؟ مش مكسوف والله حرام عليك!
_ بس أنا ندمان، ومش قصدي في يوم أزعلك مني أو أكون سبب مضايقة ليكِ!
_ وجيه اليوم وبقيت أكبر مشاكلي وأصعب أسباب حُزني وزعلي، بالله تمشي أنا مش حِمل وجع قلب تاني!
_ مش همشي، أنا عايزك وهفضل علي بابك لحد ما تقبليني!
_ كلام، كلام زي الي قَبله وهيجي يوم وتسبني وحيدة من تاني، تفوتني مع آلمي ووجعي وتبعد؟
_ أنا ما صدقت رجعت، والله ما عايز غيرك! وحتي لو ليا ميلزمونيش، أنا قاصدك أنتِ!
_توعدني؟
_أوعدك، أنا من غيرك ميت والله!
وَفِي مَذهَبِي أنَّهُ إذَا اجتَمعَ الأذىٰ وَالحُبُّ فِي قَلبٍ
وَجب أن يَنصَرِفَ الحُبُّ مَطرُودًا مَدحورًا.! " الرافعي 💙
.
تعليقات