بقيت وحيد
لا عارف أكون مع حد
ولا حتي عارف أعيش سعيد
باخد مهدئ هروب من مشاكلي
أنام بالأيام متتالي واقول جايز
أصحي والاقي إنُ كان كابوس
وكلُ هيعدي مع الوقت
هصاحب ناس من تاني وهقابل
مش هتقف يعني علي حد.
وكتبتها فٓ مذكرتي وشردت!
معقوله فعلا مش بتقف علي حد
واهون علي نفسي وهقول هقدر
ادخل في إكتئاب تاني
وأكتر من القهوة أكتر.
القهوة مُرة وانا اصلا مش غاويها
بقيت أعمل كل الحاجات
اللِ مكانش ليا فيها
طيب إزاي الحياه مابتقفش عليَ حد
وهي وقفت علي اللي مابقوش موجودين
يمكن عشان هما لاقو الحياه
اللِ انا مابقتش لاقيها
بقيت وحيد وسط الخلق
وكإني مبقاش مرغوب فيا
حُزني الخام كان له فعلا تأثير عليا
شكرا للقهوة وشوية المهدئات
اللِ بناخدهم بسبب الإكتئاب
شكرا للِ مشيوا وسابونا بدون أسباب.
خذلانكم ليا هيفضل
معلم لحد يوم الحساب
تعليقات