محبوسه في ذكريات قديمة
وقلبي مع كُل ذكري بيموت
وأنا عمري بيفوت
زي القطر فات في كُل محطة
وجه في محطة قلبي فيها مات
وإتحفظت الذكريات
إتحفظت الذكريات وبقت روتين يومي
نفسي أخلص من همومي
نفسي أرميها في عرض البحر
لعل قلبي يرتاح وعقلي يبطل يفتكر
المشهد بيتعاد كُل يوم كإن مكتوب عليا عدم الراحة
حتَّي في البُعد مبقتش مرتاحة
نفس المشهد اللي كُنت فاكرة فيه إني البطلة
بس طلعت الضحية
الضحية اللي بتتقتل في نهاية كُل فيلم
الفرحة كانت بالنسبه لي حلم
السيناريو كان حزين لدرجة إن الكُل بكي لما سمع قصتي.
مابالكم بقي إن القصة كانت مُجرد مُلخص
مُلخص جراح كتير محفورة في القلب
قلبي إتحول لتلج
مبقتش حاسة بأي حاجة بقت مُجرد تمثال
بقيت إنسان مات قبل الأوان
مات من كُتر الذكريات
اللي بسببها قلبه بقي محبوس
محبوس في قفص من حديد يتمني يخرج
عمال يصرخ ويقول أنا مظلوم
مكنش ذنبي إنهم خاينين
وينعاد نفس السيناريو والقصة تتحكي ميت مرة وأنا أتكسر بدل المرة ألف
وياريت الجرح القديم كان خف
تعليقات