"سامحيني"
سامحيني على قسوتي
في لحظة ضعفك
حبيت فجأة وحدتي
واتخليت..
وفي كل يوم رسالتك كانت
ظروفي بتعاند وإيدي بتساند
برغم إنك مابتساندنيش
رسالة عتاب ورسالة اشتياق
بتمنى أفارق وروحك جوايا مابتفارقنيش
ماتقلقيش..
وكلمة مافيش إجابتي عن سؤالك مالك
بقيت دلوقتي حالي أسوأ من حالك
لما حبييت ..
قلبك طيب
وحق المظلوم قريب
قرب الجفن من الرمش
وأنا جفني مانامش
ورموشي سقطت واحد ورا التاني
بعدك عنيت بعذابي
ودلوقتي بعذابك بعاني
تعليقات