فاضي؟
بذاكر بس شوية
في حاجة ولا ايه ؟
لاء ولا حاجه ربنا معاك.
طلعت من الشات علي كدا كنت لسه عايزة اتكلم واحكيلو عن حاجات كتير بس هو اتغير أوي الفترة دي نزلت بوست وكتبت" لا اعتقد لنا لقاء بعد هذا البعد ، لكني أحببتك كثيراً."كانت الجمله ليه هو ياتر يايوسف بتحبني ولا لاء ليه قلبك متعقلش بيا زي ماقلبي اتعلق بيك حسيت إني عايزة أعيط علي حظي حياتي كانت عبارة عن مشاكل..
ااااه نسيت أعرفكم أنا نور 20سنة تانية تجارة عربي واللي بتكلم عليه ده يوسف جارنا واحنا مع بعض ف الكلية أنا بحبو بس هو لاء مش بيحبني دخلت شات الواتس بتاعي أنا عاملة شات واتس ليا الكلام اللي كنت عايزة اقولو ليوسف كتبتو هنا:أنا زعلانة، مكتئبه، حزينة، بعيدة، تافهه كل كلام الدنيا مش هيقدر يوضح شعوري قلبت كياني وشغلت تفكيري بكتب عشانك بذاكر عشانك دخلت الكليه بتاعتك عشان اكون معاك طب وبعدين إيه آخرة الحب دا يايوسف رد عليا اية آخرة صبري وحبي،حقيقي مش عارفه بس أنا موجوعه.
طلعت من شات الواتس كان نفسي يوسف يقرأ كلامي بس مستحيل خيبة الأمل اللي عندي حطمت أي حاجة ممكن تربطني بيه إنسانه حابت بس حابت المستحيل كنت مفكرة أن الحياة الواقعيه زي الروايات ويوم ما أحب حد هيحبني هو كمان بس لاء الفلوس بتفرق ومستوي التعليم وطبعاً مستوي الجمال خصوصاً اليومين دول البنات المتعلمه بقو كتير والمشكلة مش هنا مش ف التعليم المشكلة الناس بقت بتتعامل معنا علي حسب شكلنا وكل ما كان شكلك حلوة كل ما كان فرصتك ف الحب موجودة الشباب بقوا بيشوفو الجمال بس ومش مهم أي حاجة تانية. كتبت كدا وسيبت النوت وأنا جوا قلبي حريقه، نار، غيرة،نقص، دموع، حاجات كتير الحب من طرف واحد لعنه والمجهول لعنه...
نوووووووووور
عايزة ايه يا زفته
بتعملي إيه
بكتب هكون بعمل ايه يعني
لسه يا نور لسه شاغل قلبك
رفعت عيني بحزن العالم عايزة اصرخ وأقول يارتني ما عرفتك دخلت حياتي ليه ليه حبيتك لييييييييي؟!
أيوة يا شهد لسه بحبو.
ولسه بتكتبي عنو؟!
هفضل اكتب عنو واختراع نهاية للحب دا لحد ما اشوف النهاية هتكون إيه.
ولو النهاية حزينة هتكتبيها؟!
أكيد
طب ونهاية الاسكربيت ده إيه؟
رفعت كتفي لفوق:مش عارفه هسيبها مفتوحه المرة دي
وسرحت ف مشاعري تاني وسحبت النوت وكتبت "احببتك كثيراً، لكنك لم تحبني فهل يوجد مفر عزيزي من حبك هذا اخبرني أين المفر"
- ثم أنك صديقي المفضل على مدار الأيام والملجأ الوحيد 💙 !
يوميات مجروحه...
تعليقات