القلق ملوش نهاية..
أنا مش بتمني فترة بتضايقيني تعدي غير و دايماً بفتكر الناس الي بيعيشوا وقتهم بالدقيقة
أحياناً لو في يوم مزعج في الأسبوع مثلا بنبقي طول الأسبوع خايفين يجي و يمكن نفقد متعتنا للأسبوع كله بسبب خوفنا من يوم كذا الي هيجي
في امتحان كمان شهرين فا بتفضل خايف الشهرين دول بسبب امتحان
هو معاك ماشي أنك تخاف بس أنت فقدت متعتك للوقت!
بعد الامتحان هيبقي في مشكلة تانية بتضايقك و هتستني تمر
في امتحان قرب .. خلص الامتحان ، في نتيجة هتقرب .. خلصت النتيجة ، في كذا قريب و قلقان منه .. خلص ، في كذا كذا تاني قريب أنا خايف منه
و تتفاجئ بجد أن أيامك و عمرك بيخلص فى أنك عمال خايف من المشاكل الي المفروض تتطلب خوف قبلها لو تستدعي يعني لكن مش خوف طول الوقت بسببها !
لأنك فقدت متعتك للوقت الي مش بيجي تاني
زي الناس الي بتقعد توتر نفسها و تحسب فاضل كام يوم علي الامتحان
مهو ده مش أخر امتحان و دي مش أخر حاجة هتقلق منها
هتفضل طول حياتك قلقان و مسبتش فرصة تعيش وقتك بهدوء أو تعيش ال 200 يوم الي عاددهم قبل الامتحان و تخاف العشرة الباقيين مش ال 200 كلهم !
عيش الوقت بجد الي مش بيجي غير مره .. لأن التوتر مش بيخلص ولا المشاكل بتخلص بس وقتك أنت الي بيخلص ..
إينجوي يور تايم 💙
~معاذ تامر.
تعليقات