قصيدة " سافر حبيبي " بقلم الشاعرة زهراء العرابي
سافر حبيبي
وبعده عني طال
لابعت مرسال
ولا قال ايه الاخبار
طب حتي كيف الحال
ولا دي كمان مابتتقال
ولا حبي ف القلب مالوش
مكان
انت ايه قلبك تمثال
دانا حبيبت
وبعمري ضحيت
لما شوفتك بيت
وف عز خوفي
ف حضنك اتخبيت
لكن الظاهر اني اتجنيت
لاني لزيك حبيت
انسان كله غش في غش
قلبه خفيف زي بوص القش
ولا نقول شويه عبش
اقل نسمه هوا ترميه
وف اخر الدنيا توديه
يالي الغدر ماليه
دلوقتي جاي تقولي
راجع
وقلبي الي سبته ف مواجع
وبكتني بدل الدموع دم
وخليتني عايشه غم ف غم
قوله فوق ياعم
هي بيك من غيرك هتعيش
ولايمكن تحن للخسيس
بطلت تكتب فيك اشعار
وتقول قمري ليلي نهار
وقلمها حبره جف
والعقل رجع بعدما خف
والقلب لم الجراح
ومعدش يبكي على الي راح
بعد ما دقت فيه الافراح
وقمرها ف السماء
طلع
وبقيت عايشه
في دلع
والخوف والحزن من القلب
هلع
ابكي انت علي الي خسرته
ومكنتش عارف قيمته
دا الي كان بلسم لقلبك
وقت ضيقته
وعلشان واحده تانيه
سبته
بكره هتلف الايام
وتسيبها علشان واحده غيرها
فوق يابن الناس
وخلي عندك احساس
علشان ماتلفش الايام
وتشرب من نفس الكاس
تعليقات