ماذا عنها..؟
بنت من الزمن الجميل
حاجه تشبه صوت حليم
طفله لسه بريئة جدًا
استحاله ومستحيل
تلقى يوم حد في جمالها
ببعت ليها بأمانه
مليون حرف ورسالة
وعلامة استفهام؟!
وسؤال محتاج إجابة
وصرخة بتقول استحاله
بعدها كان إنتقام
هي لسه غاليه
وغلاوتها عندي مش كلام
ده أنا أول مره اكتب
ويبكيني الكلام،
فيالي أنتي بتشبهيني
أخبارك طمنيني؟
ده أنا قلبي من غيرك مهوش فرحان
وبنام الليل دايمًا زعلان
محناش عايزين لا مال ولا جه
عايزين نبني أنا وأنتِ حياة
مسير الحي يتلاقى
ولو بيني وبينك بلاد
ده حتى العهد اللي عاش بنا
بيجبرني نكون أحباب
لدرجة أنى مش متصور
تكوني في قلبي من الاغراب
اصل اللي حبك كان جدع
وعشان كده بيطمنك
خليكي واثقه ومؤمنه
قادرين نعدي بقلبنا
من حقك إنك تحلمي
اطمني
تعليقات