حزن و اتكتب ليا اعيشه
و قلبي من سيول دموعه غرق
سهران في قلب النوم
والروح جوا قلبي بتتسرق
و نص كلامى مش مفهوم
مش لاقي اللي يفهم سكوتي
لو عالصحاب كتير بالكوم
لكنهم موجودين وقت م تتفتح ورودي
ووقت ما احتاجهم الكل مش شايف اصلا وجودي
هي ملامحي مش باين عليها الحزن
ولا الحزن متكتف جوا ضلوعي
ولا الكل ملخوم بيداري ف همومه
و خايف يطبطب ويسمع ف يضعف
خايف تبدأ من تاني أيام حسومه
ف تتسابق الاحزان وتغلب سهومه
فلاقيني انا اللي طبطب واسمع كل الحكاوي
هو في مجروح لجرح غيره بيداوي
واقول لنفسي اعمل سد لدموعك
حاول تكون خفيف و متزودش ف همومهم
دا الكل مجروح مين هيطيب جروحك
فجأه الفجر يأذن الله اكبر
ارجع للي مش بس هيطيب دا هيرجع الحياه لروحك
و كل الحزن اللي جواك هيتكسر
وهيصب اليقين في قلبك
بإذن الله كل العسير هيتيسر
وكل الدموع اللي ف عيني هتجف وتتبخر
فجأة الاقيني بضحك من غير أسباب
مش عارف ليه كل اللي انا عارفه
ان الحزن دا كان لازم يتساب
تعليقات