إزاي أبدء في مجال الـ PR وإي الحجات اللي تخليني متميز في المجال دا؟!
طبعاً بعد اما News & World Report مؤخرًا صنفت ان المرتبــة الـ4 علي العالم ان وظيفه الــPR Specialist أفضل وظائف إبداعية واحتمال انها تصنف سنه 2020 كأفضل وظيفه في العالم..
والتصنيف دا كان ليه عوامل كتير مثل متوسط الراتب ، ومعدل التوظيف ، وحجم النمو لمدة 10 سنوات ، ونسبة النمو لمدة 10 سنوات ، وفرص العمل المستقبلية ، ومستوى الضغط ، والتوازن بين العمل والحياة. 😎
وطبعا الاخبار دي كلها خلت في تساؤلات كتير جدا حوالين مجال الــ PR اللي هو أبدأ ازاي فية..؟!
في البوست دا هقولك على شوية حجات هتساعدك تبدء في المجال دا صح.. 👌 وهجاوب على شوية أسئلة مهمين هتبقا عايز تعرف إجابتهم.. 😇
مبدئياً البوست طويل فأعمل Save لية وارجعلة في أي وقت ولو استفدت منة حاجة اعملة شير علشان غيرك يستفاد.. فضلاً وليس أمراً..
1_الـ Skills.. 👌
قبل ما تبدء في أي مجال لازم تشوف الجزء دا فيك، هل انت عندك الـ Skills اللي تساعدك تدخل المجال دا ولا!!
على سبيل المثال.. ما ينفعش أكون شخصية إنطوائية وأدخل مجال الـ PR، ما ينفعش ميكونش ليا في شغل الكمبيوتر والبرامج وأقرر فجأه كدا إني عايز أبقا Graphic Design، ما ينفعش أكون مش بحب الكتابة وأقرر أكون Content Writing.... الخ
طب هل لازم يكون عندي كل الـ Skills الخاصة بالمجال؟!
مش لازم بس على الأقل يبقا عندك الأساسيات زي الـ Communication Skills والـPresentation Skills وبعد كدا تبدء تطور من نفسك في الباقي.. 👌
طب إي المهارات الخاصة بالـ PR؟!
أولاً :_الصفات الشخصية Soft Skills :_
▪️Communication Skills
▪️Presentation Skills
▪️Creativity
▪️Problem Solving Skills
▪️Time Management
▪️Good Organization Skills
▪️Emotional Intelligence
▪️Change Management
ثانياً :_ الــ Technical Skills:_
▪️Computer Skills as "Power Point _Word _Excle" and Infographics.
▪️Photography Skills "Photos or Video".
▪️Dynamics of Social Media (Facebook _LinkedIn _Twitter_Instegram _Telegram_Snap Chat… etc).
▪️Analytical Skills and Search Skills.
▪️Graphic Design
▪️Content Writing Skills
بإيدك الحلوة كدا وإبدء سيرش عن المهارات دي معاك عمك جوجل مش هيتأخر عنك في حاجة 😂😇.
===============================================
2_الـ Student Activity.. 😇
مش انت بتقول إن الـ PR في الأنشطة الطلابية مختلف عن
الـPR في الشركات...صح
الــStudent Activity هتساعدك في حاجتين :_
▪️هتساعدك تكتشف الــ Career بتاعك لما تدخل تجرب كل كوميت وتشوف إي اللي انت كويس فية..
▪️هتساعدك تكتشف مهاراتك اللي انت مش عارفها و تطورها..
▪️هتساعدك تكون Networking في مجالات مختلفة ورأس مال الــPR هيا الــNetworking..
فالـ Student Activity هتساعدك تكسب الـ Skills وكمان هتديك الـ Basics الخاصة بالمجال اللي هتساعدك تبدء فية..
فأنصح أي حد إنة يتطوع في أنشطة طلابية لأنها هتساعدك في تكوين شخصيتك ك PR..👌
لو عايز تعرف الفرق بين الـ PR في الـ Student Activities والـ PR في الشركات شوف اللينك دا.. https://m.facebook.com/story.php?story_fbid=521090961721566&id=465208323976497
===============================================
3_القراءة Reading.. 📔
القراءة هيا اللي هتساعدك تعرف حجات كتير في المجال دا إعمل سيرش بس على جوجل وجرب تكتب مثلا.. إزاي أبدء في مجال العلاقات العامة..
فية كتب كتير في المجال لو انت بتحب القراءة ابدء اقرأ فيها.. وكمان فية ماتريال ممكن تساعدك في المجال..
وان شاء الله البوست اللي جاي هجمع كل الماتريال الخاصة بالمجال دا..
فالقراءة هيا السلاح الوحيد اللي هيساعدك تطور من نفسك مش بس في مجال الـ PR، في أي مجال في الدنيا..
==============================================
4_اللغة English.. 🧐
اللغة بقت رقم واحد في أي مجال هتدخلة وخاصة في مجال زي الـ PR لأنك بتتعامل مع شخصيات مختلفة، انت الواجهه بتاعة الشركة فمينفعش يبقا فية وفد أجنبى عندك في الشركة ومتعرفش تتعامل معاهم، أو مؤتمر هتتكلم فية عن الـ مؤسسة بتاعتك.... الخ
فاللغة مهمة جداً في أي مجال وفية مواقع كتير تقدر تتعلم منها وفية قناه إسمها zAmericanEnglish حرفيا كنز فعلاً ودا لينك القناه.. https://youtu.be/c8-DFcA2_r0.. ابدء مع نفسك كدا كل يوم فيديو وحددلك وقت معين كل يوم مخصص تتعلم فية لغة.. 👌
==============================================
5_الـ Mentors..
فية ناس كدا اسمهم الـMentors في أي مجال محتاج تلجألهم سواء ناس تساعدك تكتشف الـ Career بتاعك أو ناس خبرة في المجال تلجأ ليهم.. فحاول يكون ليك مينتور في المجال بتاعك.. 🧐
==============================================
6_الـ Self Learning..
فاكر مرة سألت حد خبرة كويسة في مجال الــ PR إزاي اتطور من نفسى فى المجال... رد عليا وقلى علم نفسك بنفسك.. 👌
دلوقتى أغلب منصات الكورسات قدمت الكورسز اللي كانت بفلوس مجاناً الفتره اللي فاتت والنت مليان وعندك YouTube..
بالنسبة لمجال الـPR صعب تلاقي فية كورسز أونلاين زي باقي المجالات بس هتلاقى فية حجات إنجلش وكورسات عربي قديمة ولو محتاج تجميعة للكورسز الأونلاين وماتيرال تساعدك في المجال اكتب كومنت بس عرفني وهبعتلك.. 😇
ومش شرط تدور على كورسات تكنيكال، ممكن تاخد كورسات في السوفت اسكلز تساعدك في المجال.. فأفتكر ديماً الجملة دي "علم نفسك بنفسك"..
==============================================
7_إنك تتابع ناس كويسة في المجال دا يساعدوك أو بيدجز وجروبات على السوشيال ميديا ..
بس نصيحة تابع الناس الصح اللي تفيدك بمعلومة صحيحة لأن هتلاقى ناس كتير هتشتتك وهتنقلك معلومات مش صحيحة 😮..
طب ألاقي الناس دي فين..؟ على لينكد ان..وفية ناس هتلاقيهم على الفيس بوك.. ابدء دور انت بس وهتلاقي🤩..
وعلشان البوست مايبقاش فية منشنز لناس ولينكات كتير خاصة إنة هينزل على جروبات ممكن ترفض البوست.. فأكتب في الكومننتات الحاجة اللي انت عايزها وأنا هبعتلك اللي يساعدك فيها.. 😇
==============================================
8_الكورسز الأوفلاين.. Offline Courses
كل اللي فات دا مهم مفيش شك فية بس النقطة دي مهمة جداً جداً..
محتاج تاخد كورس كامل في الـ PR يفهمك المجال دا عبارة عن إي وتطبق عملي..
طب إي الأماكن اللي ممكن أخد فيها دورات PR؟!
هما مكانين في مصر من وجهة نظري اللي بيعلموا PR صح..
▪️ دكتور محمود الشافعي لية ببيدج على الفيس وبيعمل نظام دفعات كدا كل شهر في حدود 500 جنية..
▪️والجامعة الأمريكية بتقدم دبلومة في الـ PR في حدود 1200..
▪️وفية PR empireهتقدم Courses أوفلاين وأولاين و Workshops وهتوفر كمان تدريبات في وكالات العلاقات العامة الموجوده في مصر.. مش ماركتنج ليهم بس تابعوهم.. 🖤
مع إحترامي لأي مكان تاني بيقدم كورسات في الـ PR بس للأسف هتلاقى ناس كتير مش مجالها PR أصلا وبتهري في الفاضي وتلاقي الـ Content حجات ريليتت بالأنشطة الطلابية.. وواخدين الموضوع سبوبة بس لأن السوق فعلا عطشان في المجال دا..
فقبل ما تدفع فلوس على الفاضي اسئل الأول وشوف الكورس دا هيفيدك أصلاً ولا!!
==============================================
9_الـSummer Training..
من أهم الحجات اللي بيركز عليها الاتش ار في أي وظيفة انت بتقدم عليها..
طب بالنسبة لمجال الـPR.. صعب شوية تلاقي تدريب في شركة بس هقولك على كذا حاجة هيساعدوك.. 🤗
▪️أولاً /فية بعض الشركات بتنزل تدريب PR كل سنة زي مصر للطيران وفي الغالب بيكون متاح لطلبة إعلام قسم علاقات عامة..
▪️ثانياً /فية مصطلح كدا ممكن يكون غريب عليك إسمة وكالات العلاقات العامة PR Agency اعمل سيرش على جوجل واكتب..
PR Agencies in Egypt..
طب الوكالات دي وظيفتها إي أو بتعمل اي؟!
الوكالات دي زي شركات الــ Outsourcing بالظبط زي شركات التوظيف واللى الشركات بتلجأ ليها مثلا علشان معندهمش تيم HR يعمل هايرنج وكدا..
الشركات بقا بتلجأ للوكالات دي علشان تعملهم شغل الـPR لأنهم معندهمش ناس PR أو عندهم ناس بس محتاجين ناس خبرة أكتر..
وظيفة الوكالات دي إي؟!
الوكالات دي بتعمل الحجات دي :_
▪️إدارة الأزمات Criss Management
▪️التخطيط للأحداث الخاصة Event Management
▪️التعامل مع وسائل الإعلام Media Relations
▪️البحوث التسويقية Marketing Research
▪️مراجعة وتحليل محتوى وسائل الإعلام
بكل بساطة بيقوموا بشغل الـPR.. بدل ما الشركة تعين موظفين PR فبيلجأوا للوكالات دي وقت ما يحتاجوهم..فية مؤتمر الشركة هتنظمة مثلا، الشركة وقعت في أزمة، شغل الـ Digital PR... الخ
فأنت ممكن تتدرب عندهم وتطبق عملي كمان يعني بكل بساطة انت هتعمل شغل بس هتكتسب خبرة..
زي إي الوكالات دي.. زي Missions Egypt، Content Khana، sPRk ووكالات تانية كتير موجودة في مصر..
▪️ثالثاً بقا / إنك تشتغل في الـ Startups.. هتشغل يعتبر شغل الـPR في الأنشطة الطلابية بس على كبير.. هتكون Networking مختلفة.. هتبقا خبرة ليك تضيفها في الـ CV بتاعك..
==============================================
10_الـ Freelancing 💰💴
شغل الـ Freelance متاح في المجال دا كتير جداً تقدر تكسب فلوس وخبرة كمان.. دا بجد؟! اه واللة.. طب ازاي؟
بص ياسيدي الشغل اللي انت كنت بتعملة في الـ Student Activity هتعملة بس بفلوس وبنظام مختلف شوية..
أغلب الـ Startups دلوقتى بقت بتحتاج ناس PR يكونوا مسئولين عن تجميع كونتاكتس.. يعرضوا الــ Services بتاعتهم للشركات ويخلصوا ديلز وكدا..
الناس بتوع تنظيم الــEvents بيحتاجوا ناس PR و FR يشتغلوا معاهم على إيفنتس كبيرة.. دوس فيها يا معلم.. حتة لو تطوع هتكتسب خبرة لأنك في الوقت دا بتدور على الـــ خبرة أكتر من الفلوس.. 😀😎
اتطوع في تنظيم إيفنتس كبيرة زي Egypt Career Summit و Rise Up .. الخ.. هتتعلم حجات كتير صدقني. 🤩
تعرف الــ Co_Working Space بيحتاجوا ناس PR معاهم خاصة اللي بينظموا كورسات عندهم بيحتاجوا حد PR يجبلهم شغل وليك نسبة يامعلم..
انت ممكن تسوق لناس Brand في مجالات معينة يدوا كورسات في أماكن ويبقا ليك نسبة في أي ديل بتعملة... الخ
كل دا هيعرفك على ناس جديدة.. هتكتسب خبرة.. هتجيب فلوس 💴😂..
"الخلاصة "
مجال الـــ Public Relations من المجالات الجديدة والمطلوبة والمربحة أوي اللي ممكن تشتغل فيها بمجرد امتلاكك مهارات المهنة مش مرتبطة بكارير معين ..
لو عاوز بوست الـ Materials اللي أنا بجهزلة ، سيب كومنت بـ "مهتم" وهبعتهولك أول ما ينزل ، ولو عجبك البوست إعمل شير ومنشن عشان غيرك يستفيد..
متنساش الـ شير علشان البوست يفيد ناس كتير 🧐😇..
#١٠_خطوات_هتساعدك_تبدء_في_مجال_الـــPR👌
#بتاع_البي_ار 🤩
تعليقات