 |
| سعيدة يا هانم |
" سعيدة يا هانم " بقلم الكاتبة ندى شكري
١٩٦٦م :
_______
- "سعيده يا هانم "
جمله اتقالتلي وانا قاعده باخد فطوري في مكان مميز وقريب لقلبي بيطل علي شاطئ البحر
بصتله وقتها بحزم وقولتله - خير ياسي الأفندي فيه حاجه
ابتسملي وقال- تسمحيلي ابدي اعجابي بجمال طلتك .
للحظة بصيت علي شكلي وفستاني القصير المنفوش اللي كان مميز بلونه الاسود وعلي تسريحه شعري القصير وفوقها الشابوه وعلي الجوانتي اللي مخبي جمال ايديا .
بعدها قولتله - احترم ذاتك يا حضرة الافندي
قالي - انا في منتهي الاسف يا هانم صدقيني مكنش قصدي ازعجك لكن طلتك اسعدت مهجتي
قولتله - تشكرات يأفندي ...تسمحلي
ومشيت طوالي وانا شايفه نظراته وابتسامته ملحقاني .
__________________________
مهتمتش لكلامه ولا فكرت فيه وتاني يوم الصبح كنت رايحه نفس المكان زي كل يوم وبجري بكل سرور لكن محستش بنفسي غير وانا الاتومبيل خابطني ومن بعدها محستش بالدنيا .
فتحت عيوني ببطئ لقيته جمبي ايوه هو نفس الشخص اللي غازلني امبارح روحت قايله - هو انا فين
- متقلقيش يا هانم انتي في الاسبتاليه
- اسبتاليه !!
- بكل اسف ايوه الاتومبيل خبطك ووقعتي في نص الشارع وانا كنت في المقهي زي كل يوم وشوفتك وجبتك لهنا
- انا ممنونه ليك يا سي الافندي
- انا انسريت خالص من رؤيتك بخير
- تشكرات يا سي الأفندي
- لالالا شيلي التكليف أنا فريد اسمي فريد
- وانا امينه
- الله علي اسمك لايق علي هانم شبهك
ابتسمت بخجل وقولتله - انا عايزه اخرج من هنا
- لالا مينفعش الحكيم قال لازم تفضلي هنا يومين لغايه اما جروحك تداوي وصحتك ترجع عال
- يا ندامه يومين انا اتغميت خالص من الخبر ده
- لا ولاندامه ولا حاجه اديني عنوان اهلك اروح ابلغهم واخلي حد منهم يجيلك يفضل معاكي هنا
- تسمحلي بورقه اكتبلك فيها العنوان
- طبعا اتفضلي يا امينه هانم
كتبتله عنوان بابا وهو بياخد مني الورقه ايده لمست ايدي وقتها حسيت برعشه احتلت قلبي .
قبل ما يمشي مسك ايدي وباسها وقالي - سلامات يا هانم
- ليلتك سعيده يا فريد افندي
مشي وانا فضلت افكر قد ايه شاب راقي ومهذب بعدها ابتسمت ونمت
________________________
فضلت في الاسبتاليه يومين وفريد كان بيزورني كل يوم قد ايه كان لطيف واول ما خرجت جري اخدت نفسي علي المقهي الله علي جمال الجو ونسيم الهوا حسيت وكأني غايبه عن المكان سنه
اول ما دخلت استقبلني بورده بنفسج - صباحك لطيف يا هانم
ابتسمت- عرفت منين اني بحب ورد البنفسج
- الحلو ميحبش الا الحلو
ابتسمت بخجل وسكتت
- تسمحيلي أشاركك قهوتك
-بالتأكيد
قعدنا سوا نتشارك فنجان القهوه علي صوت ام كلثوم وهي بتقول -
"رجعوني عينيك لأيامي اللي راحوا علموني أندم على الماضي وجراحه اللي شفته قبل ما تشوفك عينيا عمر ضايع يحسبوه إزاي عليّا اللي شفته قبل ما تشوفك عينيا عمر ضايع يحسبوه إزاي عليّا 💙"
عن طعم القهوه علي صوت ام كلثوم والنظر في عيونه ياااه علي اللطف
___________________________
مرت ايام ووراها شهور علاقتنا اتطورت من نظره فابتسامه لشخص يومي مش بيدء غير بطلته سكن قلبي ب لطفه وحنية قلبه وضحكته اللي بتحلي يومي بتحلي الدنيا حواليا .
مكنتش محتاجه لشغل ولكن اشتغلت في مكتبه جمب المقهي بتاعه عشان افضل قريبه منه طول اليوم مش بس الصبح علي الفطور . كان بيجي المكتبه كل يوم يقرا كتب مخصوص عشان يكون معايا .
دخل عليا المكتبه بشكل مفاجئ
- كده يا فريد افندي تدخل عليا من غير لا احم ولا دستور حطمت اعصابي
- انا متأسف يا امينه هانم بس مبلاقيش مكان كله أنس وانشراح وافراح غير وانا هنا جمبك في المكتبه
ابتسمت بخجل- انا انسريت خالص من قدومك انهارده
- طب تسمحيلي اقدملك تذكار مني ليكي
- تذكار !!
- ايوه تذكار
خرج سلسله من جيبه ولبسهالي في رقبتي ساعتها الفرحه مكنتش سيعاني وضحكتي كانت مرسومه علي وشي
- اتمني متقلعيهاش من رقبتك
- عمري ما هقلعها
ابتسملي وراح قعد يقرا كتاب زي كل يوم وانا روحت انظم الكتب وانا بخطف نظرات سريعه عليه وهو مندمج في الكتاب .
__________________
في يوم زي اي يوم كنت رايحه المقهي الصبح وانا في غاية الانبساط وبغني - " قلبي دليلي قال لي ها تحبي انا قلبي دليلي قالي هتحبي دايما يحكي لى و بصدق قلبي انا قلبي قلبي دليلي 💙"
دخلت ودورت عليه بعيوني في المكان بس ملقتهوش استغربت اختفائه وناديت علي النادل
- خير يا هانم
- فريد افندي فين
- هو انتي متعرفيش يا هانم
- معرفش معرفش ايه
- ان فريد افندي اتطوع في الجيش
- يا ندامتي الجيش!!
- ايوه الجيش عن اذنك ياهانم
مشي وسابني دموعي متجمعه في عيوني وجريت طوالي علي البيت وفضلت ابكي من كل قلبي .
ايام وشهور عدو وانا مستنيه المح طلته فضلت عايشه علي امل لقاه كل يوم انتظره واقول راجع ومبيرجعش .
لغايه اما سمعنا أن حصلت حرب النكسه واستشهد فيها ابطال كتير قلبي كان علي وشك ان يقف من الخوف عليه ياترا هو عايش ولا زمانه تحت التراب كان البكا مرافقني في كل مكان
وفي يوم وانا قاعده لمحته ايوه هو بطلته لكن اختلفت كتير ملامحه دبلت وانطفت وكبر فوق عمر فوق عمره معذور ماهو اكيد اللي شافه في الحرب مش شويه يمكن مجيئه رجع الامل لحياتي ولكن مكنتش اعرف ان اللي شافه هيقسي قلبه ويغيره كده
جريت عليه - سي فريد وحشتني
- امينه
- ايوه امينه اللي حيرت فكرها معاك وشغلت قلبها
بغيابك
- ابعدي عني يا امينه انا تعبان تعبان
- سبني اشبع من طلتك اللي حرمتني شهور وسنين سبني اشبع منك يا سي فريد
- مش عايز حد معايا انا تعبان
- خلاني اضمد جروح قلبك وانسيك المرار اللي واجهك
- انا متأسف وجودك غير مرغوب فيه
بصتله وبكيت قدامه
- بطلي بكا حقك عليا انا صحتي النفسيه بطالة اوي اليومين دول ارجوكي ارحميني وارحمي قلبك وابعدي عني اليومين دول ارجوكي
بصتله بنظره كلها حزن وجريت من قدامه طوالي وهو بص عليا بنظرة مليانه كسر
_______________________
- يا بنتي وافقي علي العريس ده حتي شغال حكيم وفي اسبتاليه وهو شاب عال خالص
- مش هتجوزه مش هتجوزه
بابا دخل وهو بيزعق - هتتجوزيه يا امينه غصب عنك
- لو اخر افندي في الدنيا مش هتجوز مبحبوش يا ناس
ضربني بالقلم - اخرسي يا بنت معندناش بنات تعترض
- انا هعترض مش هضحي بقلبي وسعادته عشان خاطر حد
فضل يضرب فيا بالأقلام وهو بيقول - اخرسي اخرسي
لغايه اما وقعت من طولي ونقلوني علي الاسبتاليه وفريد وصله الخبر وجه طوالي
- امينه انا جيتلك يا امينه فوقي
بابا قاله - انت مين يا سي الأفندي
رد وقال- انا اللي الهانم دي ساكنه فؤادي انا اللي قلبي بينبض بحبها من اول يوم طلت عليا انا المتيم بحبها امينه دي ارق عاطفه شوفتها في حياتي دي حتي وهي نايمه سبحان من ابدع وصور ارجوك يا باشا اقبلني اكون زوج ليها اوعدك هكونلها كل شئ هبنيلها حياه كل سعاده وسرور.
- بقي انت بقي اللي هي عامله كل ده عشانه .
كنت وقتها بدئت افوق علي صوته وقولت - ايوه يا بابا هو فريد افندي اللي ساكن روحي وفؤادي اعطف علي قلبي ووافق علي طلبه .
بابا بصله شويه وبصلي وبعدين قال - لو هو ده اللي هيرد صحتك ويسر فؤادك انا موافق
ضحكت وبصتله لقيته بيضحك مسك ايدي وباسها وقالي - انا حقيقي اسعد ما يكون يامن تسكني الفوأد
ضحكت بخجل وقولتله - وانا قلبي كله انس وانشراح بوجودك
________________________
2020م :.
________
- وبس هي دي كانت حكايتي مع جدك وعشنا سنين وسنين وحصل بينا خلافات وخلافات بس كنا قادرين نعديها كل ما نفتكر حبنا كلمه منه ولا نظره حنينه كانت قادره تراضيني عشنا ٥٠سنه متقاسمين الفرحه والزعل الضحكه والدمعه اليأس و الامل عمري ما جيت في يوم ندمت وقولت ياريتني ماختارته لاني متأكده اني اختارت صح يمكن مكسرنيش فراق حد غير فراقه ٥سنين عدو عليا اهو وكأنهم ٥٠سنه من غيره يمكن عندي ٧٥سنه بس من غيره حاسه كأني عيله صغيره عندي ٥سنين تايهة من ابوها ومش لاقيه الامان ومستنيه اليوم اللي هروحله فيه الخلاصه يا بنتي يوم ما تختاري اختاري سند انتي محتاجه سند يكمل معاكي للاخر يكون في ضهرك ويخبيكي من قسوة الدنيا سند عمره ما يمشي ولا يمل سند ميهونش عليه دمعتك ولا كسرة قلبك اختاري اللي توقفي قصاد العالم عشانه ويكون يستاهل اختاري اللي قادر يطبطب عليكي ويقويكي بيه ميكسركيش اختاري اللي بعد ما العمر يجري بيكي متندميش انك ادتيلو حياتك كلها وسكنها هو اختاري الحنين لان الحنين عمره ما بيقسي اختاري اللي حتي في خناقكم يفضل فاكر انك هانم ميصحش تتهاني وانك اغلي من ان شخص يجرحك اختاري اللي دبلته تحضنك مش تخنقك اما تختاري اختاري راجل .💛💛
تعليقات