" نور بعد ظلام" بقلم الكاتبة مريم مجدي

 

" عوض ربنا كبير" ❤️

_أنا حاسة إني بعافر علي الفاضي بقعد أذاكر ب الساعات والنتيجة واحده بقالي سنتين بعيد 3 ث.. 

المره الأولي عشان وفاة ماما وبعد كده نفسيتي اتدمرت ومقدرتش أكمل ف أي حاجة خالص، حتي الكتابة اللي بكتبها وبتعبر عن اللي جوايا مبقتش قادرة ولا بقيت بعرف.. 

حياتي هي اللي وقفت ب المعني الحرفيّ مش جزء منها.. 

= يا حنان! 

تعالي يلا عشان نتغدي.. 

_ حاضر يا بابا جايه أهو.. 

سبت صورتها من إيدي وطلعت.. 

_ حطيت الأكل ليه يا بابا أنا كنت جايه! 

= معلش أنتِ برضو جايه تعبانه من الدرس 

وطبطب علي إيدي وضحك.. 

=الله!، أنتِ بتلعبي بالمعلقه ومش بتاكلي ولا ايه؟ 

_ لا لاء هاكل أهو يا بابا.. 

= بصي يا بنتي أنا عارف إنك مش مبسوطه وفي حاجز بينك وبين حياتك وهي أُمك.. 

بس صدقيني أنا هفضل جنبك لحد ما تخلصي وتحققي كل اللي نفسك فيه.. 

_قومت بوست إيديه.. 

شكراً لأنك ف حياتي.. 

خلصت وشيلت الأكل بعد ما أديت العلاج ل بابا.. 

أه بابا مريض كانسر.. 

وماما كانت مريضة كانسر ولكن أكتشفنا متأخر بعد وفاتها.. 

هو مرض وراثي ف العيله عندنا..

قررت أقوم أذاكر تاني شويه قبل ما أنزل الدرس 

ذاكرت ساعتين ونزلت الدرس بس نزلت وأنا قلبي مقبوض وكنت خايفة جداً من حاجة ولكن إيه هي مكنتش أعرف..

_بابا أنا نازله الدرس

عايز حاجه!

= عايزك مجبورة الخاطر..

وطبطب علي إيدي وحضني،ولكن حسيت بشئ غريب وقتها لكن برضو حاولت أتخطي الخوف اللي كان بيحاول يواجهني!

نزلت الدرس ورجعت بسرعة لأن الدرس قريب من البيت وأنا كمان معنديش صحاب ف رجعت بسرعه..

_بابا!!

أنت نمت ولا إيه!

مش بترد ليه أنتَ فين!

_ صُعقت جداً إيه ده بابا واقع ف الأرض!!

بابا!!!

بابا قوم مالك!

أنا كُنت لوحدي ف اضطريت أنادي علي طنط مني جارتنا!!

_ طنط مني!

الحقيني!

بابا بابا..

تقريباً جاتله غيبوبة السكر!

_ خدته معايا ل أقرب مستشفي وكلمت عمو وعمتو عشان يجو!!

دكتور إبراهيم:أنا أسف يا جماعة هي مش غيبوبة سكر زي ما كنتو فاهمين لأسف الحاج محمد أتوفي..

جريت عليه.. 

_بابا بالله أصحي أنت مينفعش تسبني أنتَ كمان 

أنتَ مينفعش تسبني أنا ماليش حد غيرك! 

هتروح ل ماما وتسبني؟! 

طب خليك معايا شوية.. 

بالله أصحي.. 

إيد مسكتني

قومي يابنتي قومي متعمليش ف نفسك كده! 

طنط مني! 

بالله خليه يصحي قوليله إني محتجاله أوي؟ 

= قومي يا حنان قومي عشان خاطري هو ف مكان أحسن أكيد... 

_ أنا مش قادرة أنسي أي تفصيله ف اليوم.. 

أنا مكنتش أعرف إني هبقي ضعيفه أوي كده من غيرهم.. 

عدي 7 شهور بكلمهم وببكي عليهم دايماً علي أمل إنهم يسمعوني! 

قررت أجتهد بجد ودخلت الأمتحانات.. 

وكانت صدمة بالنسبالي إني نجحت وبتقدير كمان.. 

جريب علي قبرهم ببكي.. 

_ماما! 

أنتِ سمعاني مش كده؟ 

ماما أنا نجحت! 

ماما أنا كان نفسي تبقي جنبي.. 

حتي بابا مشي وسابني.. 

بس أنا وعد مني من النهاردة إني مش هعافر غير علي مستقبلي.. 

وبالفعل دخلت كلية إعلام بعد إصرار كبير جداً.. 

وما زالت بكتب برضو وباخد كورسات.. 

لسه بعافر ف الكلية و ما بين الرواية اللي بكتبها.. 

حققت شئ فيهم وأولهم إن الرواية خلاص اطبعت وبقيت كاتبه رسمي.. 

وفاضلي سنتين كلية وأتخرج.. 

أنا لسه بترن ف ودني جملة "مستقبلك أهم شئ ولو وقعتي قومي من تاني متيأسيش"

أحب أقولكم إني وقعت وقومت ومن بعدها وموقعتش تاني وأنا بحقق إنجازات... 

شكراً جداً لأنكم كُنتو بتعوضوني عن حاجات كتير.. 

حقيقي ربنا عوضه كبير! ❤️