قصة " جهل الأهل " بقلم الكاتبة فاطمة ممدوح

كنا بنسمع زمان عن البنت هي بس للبيت وزوجها وعيالها بس مينفعش تفكر في حاجة تاني ولأن كمان مكنش حد بيدعو لتعليم البنت ف مكنش فارق مع حد أن البنت متبقاش جاهلة 
_ ازيك يا مريم يا حبيبتي 
= اهلا يا عمو خالد بابا مستنيك جوه في الصالون 
_ماشي يا حبيبتي خدي الهدية ديه واديها لماما 
= حاضر يا عمو
_يا مليون اهلا وسهلا يا خالد فينك يا راجل اي الغبية دي 
= والله يا محمود يا اخويا انت عارف الشغل ومشاكله وانت عارف اني المسؤول علي كل حاجه 
_ الله يعنيك يا اخويا قولي يا خالد باين عليك أن في موضوع مهم 
= طول عمرك بتفهمها وهي طايرة بصراحة اه أنا جاية اتجوز بنتك مريم
_ محمود والضحكة مليت وشه يا الف نهار ابيض يا الف نهار مبروك  وانا مش هلاقي احسن منك لابنتي 
____________
مريم سمعت كل كلامه والعياط اشتغل بقا وبتقول لانفسها ليه يارب كده انا كان نفسي اكمل تعليمي بعد الثانوية وادخل جامعه وافرح اهلي بالمستقبل اللي بفكر فيه 
فلاش باك 
بعد نتيجة الثانوية 
_  مبروك يا ابو مريم بنتك جابت ٩٠ ٪ 
= محمود بغضب : هي فاكرة نفسها هتدخل جامعات والكلام الفاضي ده مش هيحصل خلاص خلصت الثانوية وهتقعد في البيت تستني العريس أنا مش هصرف علي تعليم تاني 
نرجع تاني لمريم اللي لسه بتعيط وتدخل عليها امها وهي بتقول 
_ يلا يا مريم علشان نحضر الغداء لعمك خالد 
= لا يا ماما أنا مش هحضر حاجه للعجوز ده تصوري يا ماما طلب أيدي من بابا 
_ امها بفرح : بجد يا مريم انتي سمعتي كده 
= اه يا ماما سمعت كده ومتضايقة اوي ده راجل عجوز اكبر مني ٢٠ سنه 
_ امها هو علشان اكبر منك ب ٢٠ سنه يبقي عجوز استهدي بالله يا حبيبتي وافرحي بقا هتبقي عروسة ويلا تعالي معايا 
جهزوا الغداء وقاعدوا كلهم علي السفرة ونظرات خالد هتاكل مريم 
_ محمود : مريم  خالد طلب ايدك وانا وافقت وقررنا يبقي الخطوبة الأسبوع الجاي 
مريم متكلمتش خالص وامها قعدت  تزغرط وخلصوا الغداء وبعدها مشي خالد 
ومريم دخلت اوضتها مش مبطلة عياط 
دخلت عليها ابوها وهو بيقول 
_ انتي عبيطة بتعيطي علي اي 
= بعيط علي مستقبلي اللي ضاع وانت بتدفنه بالجوازه النيلة دي 
_ انتي هتتجوزي خالد سواء موافقة ولا رافضة انتي هتتجوزي خالد 
= مش متجوزة زفت 
_ يبقي انتي لازم تربيه من جديد وبدأت يضرب جامد لحد ما تعب وقالها انتي ملكش رايك تنفيذي وبس 
وفعلا بدأوا تحضيرات وجه معاد الخطوبة وكانت سنه كلها اهانه وقله ادب وكانها محكومة عليها بالعذاب ده العمر كله وقرب معاد الجواز واكتشفت اني ضره ل اتنين ستات ياربي اتنين وكمان بابا طلع عارف وبيقولي ما الراجل متقدر يبقي مش يعيبه حاجه واتجوزنا ومعدش اسبوع وبقيت لخالد والاتنين ستات وعيالهم وكل يوم اهانه وضرب وخدمة في البيت لحد ما زهقت منهم وجبت أخري خلاص لميت هدومي في الفجر وهربت مكنتش عارفة اروح فين أو لمين لاني لو روحت لاهلي هضربوني وارجع للبيت الملعون ده فكرت وروحت القسم وبلغت عنهم والقسم جه معايا واتقبض عليهم كلهم وهو اتصل باهلي علشان يجوا ، اهلي طبعا جابوا الحق عليا ما هو اكيد الضرب ده لاني مش بسمع الكلام لحد ما جه ضباط حسيت اني في عالم تاني لما شوفته قلبي دق بسرعة ولقيت بيقولي متقلقيش يا مدام هنجيبلك حقك 
وفعلا روحنا الطبيب الشرعي علشان يكشف عليه وشاف بلاوي واتحبس خالد والاتنين العقارب واطلقت ورجعت لبيت اهلي 
كنت كل يوم اعدي من جمب القسم علشان بس اشوفه 
لحد ما في يوم الباب خبط بابا فتح لقي الضباط ده 
قاله _ اهلا يا حضرة الضابط أمرني 
= تسلم يا ابو مريم أنا جاي في كل خير مش هتدخلني ولا اي أنا جايب اهلي معايا 
_ اتفضل يا باشا 
دخلوا كلهم الصالون وانا قلبي دخل معاهم قدمنا الشاي والضابط بدأ يتكلم 
_ اعرفك بنفسي يا عمي أنا حمزة عندي ٢٥ سنه ضابط في القسم اللي حضرتك شفتني فيه وجاي اطلب ايدك بنتك مريم اصلها عجبتني وانا عرفت عنها كل حاجه 
كلنا مستغربين كلامه 
محمود : انا اسمع عنك يا ابني كل خير كله بيشهد بأخلاقك بس انا بنتي مطلقة 
حمزة : أنا معنديش مشكلة خالص أنا واهلي هي جميلة وبنت ناس وعجبني وده يكفي واتمني انك توافق علي طلبي 
محمود : مقدرش ارفضه نهائى يا ابني والف مبروك عليك مريم 
قولت ياااا ده عوض ربنا حلو اوي وعدي الايام بالخطوبة والجواز وجبت منه احلي بنت و  ولد  اه وكملت تعليمي كمان حمزة وافق علي اني اكمل والحمد لله حققت حلمي ، التعليم عمره ما كان يضر البنت بالعكس لما تاخد بنت ناضجة وعاقلة وتقدر تساعدك وتنتج اطفال يكونوا منفعة ليك وللناس احسن ليك ولغيرك 

#فيد_واستفيد