 |
| نصائح |
نصائح من واقع الخبرة في سوق العمل
خلاصة الكلام لو عاوز تتميز في مجالك أياً كان إيه هو المجال ده دي حبة نصائح من واقع خبرتي البسيطة فالسوق ده :_
١/ خلي أقرب 5 أشخاص ليك ناس ناجحة وطموحة وناس بتدعمك وبتسمعك الخلاصة يكونوا ناس حقيقيين . 💙
٢/ خلي يكون عندك Mentors في نفس مجالك تتعلم منهم وتاخد نصائحهم . 💙
٣/ شوف إيه أكتر القنوات علي السوشيال ميديا بتفتحها وتابع فيها كل المشاهير اللي بيقدموا Content قوي في مجالك وحطهم في ال Favourite .💙
٤/ ماتمشيش ورا الخرافات والسبوبات اللي هي زي ( شهادة معتمدة من كامبريدچ أو أي جامعة خارج مصر ، Mini MBA , دبلومة مدتها شهر ، كورس ب ٢٠٠ج ) . 💙
٥/ روح إتعلم ال Systems المعروفة اللي هتساعدك تنجز مهام وظيفتك بشكل أسرع زي ( Sap , Oracle , ERP System ) . 💙
٦/ ماتهتمش بالتعليم الجامعي علي حسب التعليم المهني ، لإنك هتتصدم لما تتخرج وتلاقي اللي إتعلمته ٣٠٪ من اللي هتطبقه بس وإنك لسه قدامك مشوار علشان تتأهل للشغل اصلاً . 💙
٧/ خلي هدفك واضح وحدده بوقت وخليه له علاقة بالهدف الأكبر ليك فالحياة مثلاً ( ماتجيش تكون قي طب واتقولي عاوز أتعلم هندسة !! ، أو تكون بتدرس محاسبة وجاي تقولي انا بحب التسويق !! ، أو تيجي تقولي أنا هدرس التسويق وال HR مع بعض !! ) .💙
٨/ اللي عاوز يتميز بيركز علي إتجاه عاوز يتميز فيه علشان يكون عارف جهده كله رايح علي فين وليه .💙
٩/ كورساتك من علي Udemy ، Coursera , Edraak والمواقع التعليمية سواء مجانية أو بفلوس مش عيب ولا غلط وتحطها في ال CV عادي في جانب ال Self Study . 💙
١٠/ الهدف الحقيقي إنك تقولي ( أنا عاوز أكون محاسب مالي أو إداري شاطر خلال السنة دي واليرنامج اللي همشي عليه السنة دي علشان أحقق ده كزة كزة كزة ) ، مش تقولي أنا عاوز أكون محاسب في بنك وتسكت ! 💙
١١/ حضورك Events أو Workshops في اماكن كويسه هيساعدك تقوي من علاقاتك ومعلوماتك وهيكبر من إدراكك بشكل كبير جداً . 💙
لو عرفت نفسك وعرفت إنت عاوز إيه وإيه الهدف أو المغذي من اللي إنت عاوزه ده هتسهل علي نفسك حاجات كتيرة أوي وهتختصر علي نفسك الطريق صدقني ! 💙👌
منقول : أ. نادو محمد
#بتاع_بيزنيس
#يوميات_عاطل
تعليقات