انك تحاول طول الوقت تبرر أفعالك للناس دي من افشل الحاجات الي بتضيع فيها وقتك!
الناس مختلفه في درجات السن و العقل و التفكير
فا لكل شخص وجهه نظر و مبادئ ماشي عليها
صعب اوي تعمل حاجة ترضي اي وجهه نظر أو اي مبادئ ..
مهما كنت شخص ناجح او بتعمل حاجة كويسة بردو هتلاقي في إنتقادات
مهما كنت شخص في حالك مش بتعمل حاجة وحشه لحد بردو هتلاقي ناس حطاك في دماغها
زي الصورة دي مثلا
كان بيحاولوا يرضوا الناس لحد ما وصل الأمر انهم مدوش مجال انه يتكلم و ينتقدهم
و مع ذلك قال بص مش عارفين يستخدموا الحمار ..
نفس فكره انك تختفي من الأنظار لا بتعمل حاجة لحد و لا بتأذي حد ولا تساعد حد و مع ذلك بردو هتلاقي ناس حطاك في دماغها
ف تقبل فكره انك مش عايش لارضاء الناس دي مهمه ليك
و انك تكتشفها بدري هتوفر عليك تعب كتير بتضيعه في انك تبرر و تفسر و تشرح للناس أنهم شايفين الموضوع غلط او لا يجماعه انا مش كذا و غيره ..
الموضوع فعلا متعب انك تضيع طاقتك في إقناع شخص انك حد كويس و الي فاهمه ده غلط ..
و لو اقنعته هتلاقي غيره مش مقتنع بيك و لو اقنعتهم و عملت الي هما عاوزينو هتلاقي واحد تالت بردو بينتقدك!
سلسله صدقني مش هتقف
انت عايش لارضاء نفسك اسعادها و بس
حافظ ع طاقتك ليك
عيش لنفسك 🌸.
~معاذ تامر.
تعليقات